Пенсия алды яшендәге хезмәткәрләргә ике өстәмә ял көне бирергә тәкъдим ителгән
Пенсия алды яшендәге гражданнар диспансеризация узу өчен елына ике эш көненә эштән азат ителергә мөмкин, дип сөйләде РИА Новостига Дәүләт Думасының Социаль сәясәт комитеты әгъзасы Екатерина Стенякина.
«Диспансеризация узу өчен пенсия алды яшендәге хезмәткәр эш бирүче тарафыннан елына ике эш көненә эштән азат ителә. Бу көннәрне рәттән дә, аерым да кулланырга була. Бу вакытта эш урыны һәм уртача хезмәт хакы саклана», - дип хәбәр итте ул.
Стенякина аңлатканча, пенсия алды яшендәге хезмәткәр булып картлык буенча иминият пенсиясенә хокук бирә торган яшькә кадәр биш елдан азрак вакыт калган гражданнар санала.
«Әйтик, 2024 елда гомуми билгеләнгән пенсия яше — ир-атлар өчен 65 яшь һәм хатын-кызлар өчен 60 яшь. 2028 елга кадәр Россиядә пенсия реформасының күчеш чоры гамәлдә. Шуңа бәйле рәвештә, 2024 елда 1962-1964 елларда туган ир-атлар һәм 1967-1969 елларда туган хатын-кызлар пенсия алды яшендәге хезмәткәр булып санала», - дип өстәде депутат.
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев