Оныклар тугач өстәмә ял кертергә тәкъдим ителә
Дәүләт Думасы депутаты Яна Лантратова хезмәткәрләргә оныклары туу уңаеннан өстәмә отпуск бирергә тәкъдим итте. Ул тиешле хатны Хезмәт министрлыгы башлыгы Антон Котяков исеменә җибәргән, дип хәбәр итә RT басмасы.
Хәзер Россия Хезмәт кодексы өч очракта биш көнлек отпуск бирүне күздә тота: бала туганда, никахны теркәү өчен, якын туганнары үлсә. Бу очракларда ял түләүсез, әмма аны эш бирүче хезмәткәрнең гаризасы буенча бирергә тиеш.
Бу чорда гаилә өчен якыннарының максималь ярдәме бик мөһим, дип ассызыклады Лантратова. Россиядә өлкән туганнарның яшьләргә, шул исәптән балаларны тәрбияләү эшендә дә, традицион рәвештә ярдәм итүләрен билгеләп үтте.
Мәсәлән,әби-бабайларның 20 проценты оныклары белән көн саен, яки балалары эштә вакытта, бөтен вакытын үткәрә. Өчтән бере генә оныклары белән атнага бер тапкырдан да азрак вакыт күрешә.
Хезмәт министрлыгына мөрәҗәгать текстында Лантратова оныклары туган очракта хезмәт хакын саклап калмыйча, биш календарь көнгә кадәр хезмәткәрләр өчен өстәмә отпуск кертүнең максатка ярашлылыгын карауны, шулай ук бу мәсьәлә буенча министрлык позициясен бирүне сорады.
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев