Олы Тәрбиттән Татьяна Малова: «Кул эшләрен ярату нәселдән-нәселгә күчә ул безнең»

Чигү, тегү эшләрен аңа әнисе Зинаида Сулагаева өйрәткән. Аның чиккән сөлгеләре, яулыклары, алъяпкычлары соклангыч матур. Зина түтинең дә чигелгән әйберләре бик күп. 

«Без дә кечкенә чакта ук  әнидән мондый кул эшләрен өйрәндек, нәселдән-нәселгә күчә ул безнең, хәзер менә балаларыбыз кызыксына. Мин үзем хат ташучы булып эшлим. Авылда торгач эш тә аз түгел, шулай да кул эшенә вакыт табам. Яулыклар чиккәндә әни кырыйларын йөртә, ә мин уртага чәчәкләрдән бизәк ясыйм. Чиккән әйберләребез бик күп. Күлмәкләрне, алъяпкычларны бизибез. Кулъяулыклар күп чигәбез, аларны якыннарга бүләк итәбез, сатып алучылар да булгалый. Ә чигелгән киемнәрне киеп бәйрәмнәргә чыгабыз”, – диде Татьяна Малова.