Ольга Боярина гөлләр үстерергә ярата

Тәрәз төбендәге гөлләре кышын да шау чәчәктә утыра.Төрле төстәге  яраннарга, миләүшәләргә сокланмый мөмкин түгел. Розалары инде агачны хәтерләтә.

Ольга апа – Кайбыч районының Хуҗа Хәсән авылы кызы. Матур табигать кочагында үскән кыз, гомер буе гөлләргә, чәчәкләргә, матурлыкка, табигатькә гашыйк.

«Гөлләрне яшьтән үк үстерәм. Аларны утырткач, үсеп китүен, чәчәк атуын күрү үзе бер бәхет. Гөлләр бит яхшы кәеф өсти, күңелне күтәрә, һаваны чистарта, начар энергетиканы юкка чыгара. Бакчада үстергән чәчәкләремне дә, өйдәгеләрне дә бик яратам. Җәен бакчада эшләгәннән соң, беседкага утырып аларны күзәтәм, ял итәм», — ди ул.