Ольга Боярина: «Элгәре Рождествоны ничек бәйрәм иткәннәрен күрсәттек»

Бу халкыбыздан калган йола-гадәтләрне дәвам итеп, яшь буынга үрнәк булып, традицияләрне саклап калу максатыннан башкарыла.

Бәйрәмдә пенсионерлар, махсус хәрби операциядә хезмәт итүче егетләребезнең гаиләләре дә катнашкан.

– Авылыбызда төрле чаралар клуб хезмәткәрләре һәм үзебезнең пенсионерлар белән дә оештырыла. Кичәге чара гаилә кыйммәтләрен саклап, буыннан-буынга дәвам булырлык итеп башкарылды. Шуңа да бу бәйрәмгә отец Николай белән центрны җитәкләгән Надежда Ермолаеваларны чакырдык. Чарада әби-бабаларыбыз Рождествоны ничек бәйрәм иткәннәрен курсәттек. Җыр, бию һәм төрле уеннар белән дә уралып барды бәйрәм. Кыш Бабай белән Кар Кызы да булды. Аннан лотерея дә уйнаттык. Бәйрәм түгәрәк өстәл артында дәвам итте. Бу чараны оештырырга финанс яктан читтә яшәүче авылдашыбыз – Оксана Иванова булышты. Аңа һәм гаиләсенә зур рәхмәт, – дип сөйләде Хуҗа Хәсән авылы җирлеге ветераннар советы рәисе Ольга Боярина.