Николай Дунаев: "Бәрмәнчек" ансамбле хөкүмәтебезгә авыр йөк булмады"

- “Бәрмәнчек” ансамбле халкыбыз өчен якты кояш. Сәнгать кешеләре арасында күп йөргән кеше буларак, шуны әйтә алам: аларның берсе дә “Бәрмәнчек” не яманлап сөйләми, киресенчә, ансамбльнең иҗаты белән соклана, мактый. Шул да нык сөендерә. “Бәрмәнчек” беркайчан да хөкүмәтебезгә авыр йөк булмады. Россиядә генә түгел, хәтта, чит илләргә чыгып, лаеклы итеп Татарстаныбызның йөзен күрсәтте, һәрвакыт якты маяк булды. Бу бик куанычлы хәл. Ансамбльне оештыручыларга, аны бүгенге дәрәҗәгә җиткерүчеләргә һәм хөкүмәтебезгә зур рәхмәт. Керәшеннәр, үзебез дә, “Бәрмәнчек”нең үзенә генә хас үзенчәлеген аңлап, кадерләп  яшик.