“Әни...” диеп эндәшүгә Басыладыр йөрәк сагышы... Түбән Кама районыннан укучыбыз иҗаты

Улым hәм кызым

Язмышыма иң зур бүләк

Минем кызым hәм улым

Сул кулым булса кызым,

Ә улым минем - уңым.

Сез ул минем бәхетем,

Шатлыгым, сөенечем.

Кайда гына йөрсәгез дә,

Сездә минем өметем.

Ерак булганга аралар

Сагынамын сезнең тавышны,

"Әни..." диеп эндәшүгә

Басыладыр йөрәк сагышы.

Ак бәхетләр булсын сезгә юлдаш,

Кайгы-хәсрәт читләп үтсеннәр.

Җил-давыллар иссә - иркәләсен.

Таң җилләре үбеп китсеннәр.

Сез булганга дөнья ямьле

Җирдә яшәү күңелле.

Уллы да кызлы да булу

Бәхетнең олысы түгелме?

Улым, кызым дия,дия

Картлык көннәрем җитә.

Ана күңеле сездән бары

Мәрхәмәтлек - игелек көтә.

Бар теләгем шул сезгә:

Туры юлдан атлап йөрегез,

Изгелек-игелекләр кылып,

Гомер юлын матур үтегез.