Надежда Токранова: "Тиздән яңа җырымны тәкъдим итәчәкмен"

Ару гына, рәхмәт! Балалар белән мәш киләбез, рәхәтләнеп уйныйбыз. Кызыбызга тиздән өч яшь тула. Садикка чират җитми әле. Эшкә чыгасы килеп китсә дә, булмый әлегә. Аллага шөкер, рәхәт чаклары. Икесе дә бик шуклар, тиктормаслар. Шуның өчен, аеруча күз-колак булып торырга кирәк. Әти-әниләрнең дә авылда хуҗалыклары зур, гел-гел шәһәргә бәби карашырга килә алмыйлар. Әле менә үзебез авылга кайттык.

Күңел матурлыкка, моңга сусый башлады. Декретка кадәр җырлар иҗат иткәли идем. Хәзер тагын илһамланып киттем. Кызыбыз Марияның туган көненә яңа җырымны тәкъдим итәргә планлаштырам, Алла боерса. “Урманнарда йөрдем” дип атала ул. Еш кына күңелемдә шигырь юллары да туа. Аларны Инстаграмдагы дуслар белән һәрдаим бүлешеп торам.