Махсус бүләккә лаек булган

Пирог һәрвакыт кунакчыллык, игелеклелек билгесе булган. Ә төрләренә килгәндә, әче һәм төче камырдан, ачык һәм ябык, төрле формада, зурлыкта, төрле эчлек белән пешерелгән. Ит һәм балык, яшелчә һәм җиләк-җимешләр, гөмбә, йомырка эчлек итеп кулланылган. Кайбер хуҗабикәләр бәхеткә юрап, анда я сәдәф, я тәңкә салганнар. Халыклар дуслыгы йортында «Милли пирог» онлайн-конкурсы узды. Анда Түбән Каманың милли-мәдәни оешмалары катнаша. Керәшен җәмгыятеннән бәйгедә Альбина Никитина үз көчен сынаган. Альбина Егоровна бәйгегә юллаган видеоязмада кабак бөккәне пешерү серләре белән уртаклашкан: ул эчлекне ничек әзерләвен, камырга нәрсә кушуын тәфсилләп сөйләгән. Нәтиҗәдә,«Керәшен» мәдәни-этнографик җәмгыяте махсус номинациягә лаек булган. Котлыйбыз!

Фото: шәхси архивтан

"Туган як"