Юлия Даниловадан (Идрисова) кутаби рецепты

Камыр өчен кирәк булачак: җылымса су, он (2 стакан чамасы), тоз, сыер мае.
Эчлек өчен: сыр, яшеллек (укроп/шпинат/базилик/петрушка).

Суга бераз тоз, он салып камыр басабыз. Камырны 15 минут чамасы басарга, йомшак булырга тиеш. Соңыннан аны 10-15 минут ял иттерәбез. 

Камыр әзер булган арада сырны кыргычта уабыз, петрушка/укроп/шпинат (кайсысы ошый) вак итеп турыйбыз. 

Камырдан бәләкәй түгәрәк формалар ясап, җәябез. Бик юка, үтә күренмәле булырга тиеш.

Камырның бер ягына эчлекне салып, икенче ягы белән каплыйбыз, һәм пилмән бөккән кебек бөгәбез. Кутабиларны майсыз, көйдерми торган табада (антипригарная сковорода) ике яктан кыздырабыз. 

Әзер кутабиларны сыер мае белән майлыйбыз.