Питрәч егете керәшен җыры башкарып махсус бүләккә ия булды
Бүген «Татмедиа» конференц-залында “Тәртип” радиосы оештырган “Үз илемдә - үз көем” бәйгесенең җиңүчеләрен котлау тантанасы булды. Әлеге бәйгенең максаты - халкыбызның онытыла барган җырларын табу. Шарт буенча бәйгедә катнашу өчен музыка уен коралына кушылып яки акапелла җырларга кирәк иде. Барлыгы 100 видео кабул итеп алынган.
Җиңүчеләр исемлеге:
1 урын - Балык Бистәсеннән Гөлия Мөхәрләмова;
2 урын - Кама Тамагыннан Ренат Закиров;
3 урын - Арчадан Ильмира Заһидуллина.
Гран-прига Биектау районыннан Галия Камалова лаек булды.
Шулар арасыннан, Питрәч районы егете - Кирилл Спичков керәшен җыры башкарып махсус бүләккә ия булды һәм сертификат белән бүләкләнде. Кирилл бабасы белән бергә керәшен халкының “Суда балык” җырын яздырып җибәргән.
Нет комментариев