Иске Гришкин авылында «Үзебезнекеләрне ташламыйбыз!» акциясе киң колач алган

Иске Гришкин авылында махсус хәрби операциядә катнашучыларга ярдәм күрсәтү максатында «Үзебезнекеләрне ташламыйбыз!» патриотик акциясе киң колач алган. Әлеге изге гамәлләргә кушылып, авыл халкы челтәр үрү һәм окоп шәмнәре ясау буенча зур көч куя.

«Җыелган авылдашлар барысы да махсус хәрби операциядә катнашучы ир-егетләребез өчен тырышып челтәр ясыйлар, ә үзләренең күңелләрендә моңсулык. «Тизрәк бу аянычлы көннәр туктасын, балаларыбыз, ир-атларыбыз исән-сау кайтсын. Бөтен ил тынычлык тели, дип хис-кичерешләре белән бүлешәләр алар». Егетләргә безнең ярдәм көч өстәсен»,— дип сөйләде китапханәче Галина Бармакова.