Янсуардан Екатерина Яковлева «Көзге авыл» марафонында катнаша

«Туганайлар» газетасы редакциясе иң мул ел фасылына багышлап, керәшен авыллары арасында марафон башлап җибәрде. Питрәч районының Янсуар авылында яшәүче Екатерина Яковлева безгә фотолар җибәрде. 

«Көз дә әнә аллы-гөлле төскә керде. Гаҗәеп бу табигать. Әле генә ямь-яшел иде бөтен дөнья, шул арада агачлар икенче күлмәкләрен киделәр. Матур. Күреп күңел куана. Алтын көзгә хозурланып, сокланып, сез дә бер тукталып тирә- ягыгызга күз салырга вакыт табыгыз, дусларым»,– ди Екатерина Яковлева.