Якты Күл авылында тыл хезмәтчәннәренә бүләкләр тапшырдылар

Туганайлар, 28 апрель 2024 - 07:54

363

Бу көннәрдә шәһәрдә, авыл җирлекләрендә яшәүче тыл хезмәтчәннәрен Җиңү бәйрәме белән котлап, бүләкләр тапшыралар.

Якты Күл авылында тыл хезмәтчәннәренә бүләкләр тапшырдылар

26 апрельдә Якты Күлдә авыл җирлеге башлыгы Зиннур Мохтәров, хәрби комиссариат вәкиле Иван Шугулев, мәдәният хезмәткәрләре, яшьармиячеләр тыл хезмәтчәннәрен Җиңү көне белән котлап, ТР Рәисе Рөстәм Миңнеханов, район җитәкчелеге исеменнән бүләкләр тапшырдылар.

Бүгенге көндә Якты Күлдә ике тыл хезмәтчәне яши. Алар — Мария Соловьева, Анна Уварова.

«Барысы да фронт өчен, барысы да Җиңү өчен!» лозунгысында илебез азатлыгы, тынычлыгы хакына көч куйган тыл хезмәтчәннәренең фидакарь хезмәте бәяләп бетергесез.

— Сез йокысыз төннәрне һәм ач-ялангач көннәрне җиңеп, безгә имин тормыш һәм аяз күк йөзен бүләк иттегез. Сезгә рәхмәтебезне белдерәбез, — диде ветераннарны котларга килүчеләр.