Екатерина Яковлева: «Тормышта яңа эшкә тотынудан курыкмаска кирәк»

Кемдер әбисеннән, кемдер әнисеннэн өйрәнә.  Питрәч районының Янсуар авылында яшәүче Екатерина Яковлева бөккән пешерү серләре белән уртаклашты.

«Тормышта яңа әйбер эшләргә оялмаска, курыкмаска, өйрәтәләр дип, кимсенмәскә кирәк. Ашау-эчу hава кебек hәркемгә мөhим.

Без ускәндә әбиләр белән үсмәдек, шунлыктан барлык кул эшләрен, ашарга пешеру серләрен нәнәйдән өйрәндек. Ә яңа тормыш башлагач, әни белән бергә пешерә идек. Ураза аен истә тотып, ураза ашына яраклаштырып мин буген кәбестә бөккәне (төче камырдан була) пешерергә булдым. Камыр өчен: он, су, тоз, чәй калагы очында гына аш содасы, сыек май кирәк була.

Эчлеккә: кәбестә, суган, кишер, тоз, май кушыла. Мин бу катнашманы бераз табада пешереп алам, алай эшләгәндә кәбестә йомшарып китә. Ә майны бөккән ясар алдыннан гына кушам. 200 градус эсселектә кызарганчы духовкада пешерәм».