Чистайның Бахта һәм Югары Кондрата мәктәпләре яңа уку елына әзер

Чистайның Бахта авылы мәктәбе “Мөслим урта гомуми белем мәктәбе”нең филиалы булып санала. 1981 елда төзелгән бинада башлангыч класслар укый. Яңа уку елына беренче класска 5 укучы кабул ителәчәк. Дүртенче класста 12 бала укыячак. Җәй көне мәктәпнең стеналарын  яңартканнар, класс бүлмәләрендә линолеум алыштырганнар, зал идәннәрен буяганнар.

Югары Кондрата мәктәбе – тугыз класслы. 2021-2022 уку елында мәктәптә 16 бала укыячак. 1996 елда ачылган мәктәпкә 25 ел була. Беренче класска килүче балалар юк. Чыгарылыш класста 4 бала белем алачак. "Яңа уку елын башларга бөтен шартлар да тудырылган  – мәктәптә ремонт ясалган, кабинетлар җиһазлар белән тулыландырылган. Мәктәптә ремонт ясалды. Яңа компьютерлар һәм прожекторлар алынды",  – дип хәбәр иттеләр Югары Кондрата мәктәбендә.