Бахталылар «Сигезле биюе» буенча мастер-класс күрсәткән

Бию элгәреге заманнарда ук барлыкка килгән һәм бүген дә безне матурлыкка, гүзәллеккә өйрәтә. Ритм, уен-хәрәкәтләр аша халыкның уй-фикерләрен, эчке халәтен, өметен, ышануын чагылдыручы чара, дисәк тә ялгыш булмастыр. Бахта авылының клуб хезмәткәрләре үз районнарындагы Мөслим, Чуваш Ялтаны авылларында мәктәпкә барып, андагы балаларга сигезле биюен өйрәткәннәр.

«Әлеге чара Пушкин картасы федераль программасы кысаларында узды. «Сигезле биюе»н Чистай керәшеннәре бии торган элементлар белән тәкъдим иттек», – дип яздылар алар.