Аномаль салкын һава торышы урнашу сәбәпле кисәтү игълан ителде

Татарстан Гидрометеорология һәм әйләнә-тирә мохитне күзәтү идарәсе фаразлавынча, республикада аномаль-салкын һава торышы көтелү сәбәпле, 10-15 январьда давыл турында кисәтү игълан ителде. Бу чорда республика территориясендә уртача тәүлеклек һава температурасы −18 булган −24 градус аномаль-суык һава торышы сакланачак, бу нормадан 9-15 градуска түбәнрәк.

10-15 январь көннәрендә һаваның минималь температурасы −23 −28 тәшкил итәчәк, 11 январьда урыны белән −33кә кадәр, көндез максималь температура −16 −21 градус көтелә.

Салкынайту сәбәпле, Россия Гадәттән тыш хәлләр министрлыгының Татарстан буенча баш идарәсе матбугат хезмәтендә татарстанлыларга саклык чараларын үтәргә киңәш иттеләр. Республикада яшәүчеләргә шәхси автотранспортта торак пункттан читкә - табигатькә, урманга, балыкка һ.б. баруны кичектереп тору хәерле.

Шәһри Казан

Алина Кондратьева фотосы

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.