«Җәмле Җураш буйларында» керәшен мәдәнияте онлайн-фестиваль буларак оештырылды.
Онлайн-фестивальдә республиканың Алексеевск, Балтач, Балык Бистәсе, Мамадыш, Менделеевск, Питрәч, Тукай, Түбән Кама, Чистай, Әлмәт районнарыннан керәшен коллективлары катнашты.
Жюри членнары – Менделеевск керәшен оешмасы җитәкчесе Валентина Мамакова, шул районның үзәкләштерелгән китапханәләр системасы директоры Рәйханә Фәрхетдинова, Менделеевск шәһәренең халыклар дуслыгы йорты директор Фирүзә Габдрахманова. Алар һәр төбәкнең үз җыру-биюләрен үз эченә алган 41 чыгышны карап чыгып, бәяләделәр.
Фестиваль 3 номинациядә уздырылды:
– «Фольклор ансамбль»;
– «Халык биюе»;
– «Вокал» (солистлар)
Керәшен культурасының төбәкара V «Җәмле Җураш буйларында» фестиваленең Гран-при бүләгенә Мамадыш районының Комазан башы авылыннан «Карендәшләр» керәшен фольклор ансамбле лаек булды.
Гран-придан тыш, призлы урыннар билгеләнде, ансамбльләр һәм солистлар диплом белән дә бүләкләнде.
Нет комментариев