Алан-Полянлылар: «85 яшьлек әни дә солдатка оекбаш бәйли» (видео)

Балык Бистәсе районының Алан-Полян авылы мәдәният йорты каршында эшләп килүче "Чулпы" керәшен фольклор ансамбле җырчылары махсус операциядә катнашучы егетләргә ярдәм йөзеннән, кичләрен җыелып, җон оекбашлар бәйли. Бу хакта авыл мәдәният йорты җитәкчесе Лариса Кибякова хәбәр итеп, фото һәм видеолар белән дә уртаклашты. 

– Безнең балалар зарлана белми инде алар, барысы да яхшы китүчеләребезнең. Авыл кешесе дә күп булышты. Егетләребезнең аяклары туңмасын, дип бәйлибез. Шулай ук, бу эштэ ярдәм күрсәткән Татьяна Большаковага, Мария Большаковага, Александра Александровага, Ольга Елисеевага, Роза Елисеевага, Валентина Ефремовага, Елизавета Кибяковага, Лидия Захаровага бик зур рәхмәтләребезне җиткерәбез. Эш эшләве рәхәт кенә, иң мөһиме, дөньяларабыз тынычланып, егетләребез исән-имин кайтсыннар, – дип сөйли ул. 

Фото, видео: Лариса Кибякова