Нагайбәк егете — Россия Герое

Россиянең иң югары дәүләт бүләгенә Владислав Сергеевич махсус хәрби операциядә күрсәткән батырлыклары өчен ия булды. Россия оборона министрлыгында уздырылган тантанада карендәшебезгә «Россия Федерациясе Герое» исемен министр Андрей Белоусов тапшырды. Ул Ватаныбызга һәм хәрби антларына тугры булганнары, батырлыклары өчен сугышчыларга рәхмәт белдерде. 

Владислав Ивекеев 2025 елда контракт төзеп, махсус хәрби операциягә китә. Россия кораллы көчләренең «Центр» гаскәрләре төркеме сугышчысы. Ул үзенең сугышчан иптәшләре белән бергәләп, Донецк халык республикасының Красноармейск шәһәрендә, беренчеләрдән булып, Россия флагын кадый. Шәһәрне азат иткәннән соң, журналистларга Владислав: «Рус армиясенең үзләрен азат итүенә тыныч тормыш кешеләре шат. Алар — безгә, без аларга ярдәм итәбез», — дип сөйли. 30 ноябрьдә Россия кораллы көчләре генштабы начальнигы Валерий Герасимов Президент Владимир Путинга ДНРның Красноармейск, Харьков өлкәсенең Волчанск шәһәрләре азат ителгәне турында хәбәр итә. 

Уллары Владиславның Россия Герое исеменә лаек булуына әнисе Татьяна Анатольевна һәм әтисе Сергей Фёдорович чиксез горурланалар, аның җиңү яулап өйгә кайтуын көтәләр.