Тройсын — апостолларга Святый Тын иңгән көн

Апостоллар изге булганлыктан, Святый Тын алар өстенә генә иңгән. Ул утлы телләр булып иңеп, апостолларга кайнар йөрәк һәм акыл биргән, аларны изгеләндергән һәм белемле иткән; элегрәк Иисус Христостан ишетеп белгәннәрен исләренә төшергән, бөтен дөньяны Христоска якынайту өчен аларга көч биргән.

Бу көнне чиркәүне һәм өйләрне агач ботаклары, үлән һәм чәчәкләр белән бизәү гадәткә кергән. Святый Тын апостоллар өстенә иңгән өй дә шулай бизәлгән булган, дигән фикер яши. Яшеллек – кешеләрдәге яңарыш, үзгәреш символы һәм ул шушы көнне искә алына торган үлеләрнең терелеп торуына ышанычны да белдерә.

Яз көнендә үткәрелгән башка дини бәйрәмнәр кебек үк, Пятидесятница да үлеләрне искә алуга багышлана. Күп кенә керәшен авылларында Пятидесятница дини төсмерен югалтып, Җапрак бәйрәме, яшеллек бәйрәме итеп үткәрелә.

Изге Өчлек өчен иман

Эй, тере итеӱче Христосъ, Сине зурлыйбыз, Ӱзеҥ изге Апостолларыҥа Атаҥнан жибяргян Святый Тыныҥны да кадерлейбез.

Даннаулы Син, эй, Аллабыз Христос! Син балык тотоучыларга Святый Тынны иҥдереб, аларны белемнеккя оста иткян, аларга бӧтӧн дӧнья калыкларын тотторган.

Эй, кеше сӧйӧӱче, шӧкӧр Сиҥа. Жугарыдагы иҥеб, кешелярнен теллярен саташтырган чагында, Ул калыкларны айырган, ӓммя ул теллярне ӧляшеб биргян чагында, бар калыкларны да бергя кушылырга ӧндягян. Шунныктан, барыбыз да бер уй белян Святый Тынны данныйбыз.

Фото: РИА Новости, Владимир Вдовин