Кукмара керәшеннәре җыруы: «Борылдырыш уены көе» (ноталар белән)

Җыен дуслар җыелганнар,
Уйныйлар борылдырыш.
Борылдырыш уйнаганда
Булмасын ялындырыш.

Нигә кызлар җырламыйсыз,
Акча сорыйсыз мәллә?
Ярларыгыз монда юкка
Ямансулыйсыз мәллә?

Акча да сорамыйбыз,
Яман да суламыйбыз.
Сез ярлы дип, без ярсыз дип,
Сездән яр сорамыйбыз.

Ыстенада сәгать суга,
Унга да, тугызга да.
Җир шарында рәхәт тормыш
Телим барыгызга да.

Телегыраф баганасы
Озын юлга маяк ул;
Сагнасыңмы дип сорыйсыз,
Сагынмаган кая ул.