Ретро фотода – Владимир авылы кешеләре

 - Бу фотода Владимир кешеләре. Уңнан икенче – минем ерак әби. Кирушина (Иванова) Агафья Николаевна (туган елы - 1910). Аның уң ягында – бертуган Василий дәдәсенең хатыны - җиңгәсе Ксения. Ерак әбинең сул ягында - Анастасия. Басып торучысы – Наум. Аның исемен Владимирның бер чишмәсе йөртә, димәк, тарихта калган исем. Янында, билгеле инде, хатыны. Иелеп утырганнар : уртада – Владимир кешесе- Тупаев Иван (сул ягында хатыны), аның янындагысы- Питрәч районы Керәшен Сәрдәсе кешесе- Чулаковларның Степанидасы кияве - Петр Сидуков. Әнинең әйтүе буенча, бу әнинең туганнан туышкан дәдәсе – Григорий Чулаковның туй көне. Владимирлар бу кешене бик яхшы белә һәм хөрмәт итә, - дип язган Лидия Пасыева.