Ташкабак белән сырдан тиз әзерләнә торган җәйге закуска рецепты

Ингредиентлар: ташкабак, он, тоз, симәнке мае, сыр, майонез, укроп (тәмләткечләр).

Ташкабак рецепты: 1) ташкабакны юабыз һәм тигез кисәкләргә бүлеп турыйбыз;

2) аш тәлинкәсенә он һәм тоз салабыз, түгәрәк формадагы ташкабакларны ике яклап әвәлибез;

3) кызган табага симәнке мае салабыз, соңыннан он һәм тозда әвәләнгән ташкабакларны ике яклап кыздырабыз;

4) ташкабаклар кызган арада, сырны угычтан чыгарып, укроп яки башка тәмләткечләр белән майонез салып бутыйбыз;

5) кыздырылган ташкабакларны тәлинкәгә тезәбез һәм сырлы-майонезлы эчлекне ташкабакларга сылап чыгабыз.

Ташкабаклардан закусканы суынган килеш табынга куярга була. Ашларыгыз тәмле булсын!

Интертат