Сәвәләйлеләр боламык белән сыйланды

“Зәй офыклары”нда Клара Ермолаева язганча, Боламык бәйрәмен билгеләп үтү Сәвәләй авылында традициягә кергән.

Боламык йоласы мәҗүсилектән килә. Элек халык җир, су, күк аллаларына ышанган, аларга табынган. 

Заманалар үзгәрсә дә, элекке йолалар онытылмый. Алар, буыннан-буынга күчеп,  авыл  тормышын ямьләп яши бирәләр.

“Ике казанда – ботка, бер казанда йомырка тәбәсе пешердек. Алар белән бәйрәмгә җыелган бар халыкны сыйладык. Авыл халкының бердәм булуы, балаларның  да борынгыдан сакалнып килгән гадәтләр белән кызыксынуы, йолаларның онытылмавы Сәвәләебезгә тагын да ямь  өсти”, – ди мәдәният йорты директоры Ләйлә Сабаева.