Людмила Барсукова: “Авыл эчендә 200 төп агач утырттык”

Авыл халкы бергә җыйналган урында һәрчак эш гөрли. Биредә дә, авылдашлар бергә җыелып, зур өмәдә катнашканнар. Теләсә нинди өмә барысы да яхшы оештырылган вакытта гына әйбәт уза бит ул. Шушы бик кирәкле эшләрне оештыручы – авылдашлары Вениамин Князев.
Шулай ук, өмәгә Казан шәһәреннән дә профессор, педагогик фәннәр докторы Рафис Шәймәрданов гаиләсе кайткан. Кыштан соң территорияләрне җыештыру белән генә чикләнмәгәннәр алар, 200 төп ылыслы агачлар да утыртканнар.

“Сабантуй мәйданы буйлап чыршы, нарат агачлары утыртылды. Балалар да, олылар да бик актив катнашты. Өмәне оештыручыларга, анда катнашучы авылдашларга зур рәхмәт”, – дип сөйләде Кадер авыл җирлеге башкарма комитеты җитәкчесе урынбасары, безгә бу өмә турында хәбәр итүче Людмила Барсукова.

Алинә Галимҗанова.