Керәшеннәр Олы көнгә зурлап әзерләнә

Бер җыр искә төште әле:
Туганнарым, сезгә ни бирием,
Мәкәрҗәдән килгән дә малым җук,
Җаннарымны җарыплар бирер идем,
Җаннан башка җөрер лә хәлем юк.
 Гаиләләрдә моның өчен мул ризыклы табын әзерләнә. Йола буенча, бәйрәм куличы һәм буялган күкәйләр изгеләндерелә.
Туганнар бер-беренә кунакка йөрешә. Озак күрешми торган кешеләр дә нәкъ менә шушы көннәрдә кунакка килеп төшәргә мөмкин.
Казанда яшәүче Зинаида Данилова бәйрәм өчен бер рецепт тәкъдим итә.
- Мин бер пачка эремчеккә ике күкәй сытып салам.  Бер чеметем тоз, бер кашык шикәр, бераз сода, бер-ике аш кашыгы он салам һәм туглап, коймак итеп пешерәм. Бик яратып ашыйбыз.