“Мунча ташы” театрында эшләгән Ульяна Князеваны сагынып

“Татарстанның атказанган артисты, куючы режиссер Ульяна Князева 25 елдан артык “Мунча ташы” эстрада театрында эшләп китте. Ул Түбән Камада балалар үзәген җитәкләде. Үзәк хезмәткәрләре әйтүенчә, хәзер Ульяна ханым Казанга күченгән. Бүгенге эше иҗат белән бәйле түгел”, – дигән җавап яза “Ирек мәйданы” газетасы.

“Ульяна Князеваны сагынучылар бармы арагызда?” дип язган сорауга күпләр үзләренең фикерләрен белдергәннәр. “Ул киткәч, “Мунча ташы”ның яме бетте, искиткеч матур уйный иде”, “Мунча ташы”ның йөзек кашы иде, бик сагынам....”, “Бик сагынабыз, юксынабыз. Иии, килештереп уйный да иде инде”. – дип комментарийлар калдырганнар тамашачылар.