«Туым Жондозы-2026» фестиваленең гран-при ияләренә нинди бүләк каралган?

Гала-концертта Казан һәм Чаллы шәһәрләреннән, республиканың Алабуга, Биектау, Зәй, Кайбыч, Кукмара, Мамадыш, Менделеевск, Тукай, Түбән Кама районнарыннан, күрше Башкортстанның Бакалы районыннан конкурсның сайлап алу турларын узган 7-35 яшьләрдәге иң талантлы кызлар, егетләр чыгыш ясый.

«Туым жондозы» сәхнәсендә керәшеннәрнең «Бәрмәнчек» дәүләт фольклор ансамбленең һәм, шулай ук, танылган җырчыларның да чыгышларын күрергә мөмкин булачак. 

«Фестивальгә әзерләнү этабының финишина җиттек дисәң дә була. Бүләкләр, дипломнар әзер. Көнендә эшләнәсе эшләр генә калды. Билгеле, конкурста ярдәм итәргә дип волонтерлар да җыйдык. Алар үзебезнең керәшен активистлары. Кемдер сәхнә артында, кемдер коллектив белән ярдәм итә, билетлар өчен аерым бер җаваплы кеше. Катнашучыларны көтәбез, алар белән һәрвакыт элемтәдә. Җиңүчеләргә елдагыча акчалата бүләк, диплом һәм кубок каралган. Гран-при откан солистка — 50 мең, ә җиңүче коллективка 100 мең биреләчәк», — дип таныштырды конкурсның әзерлек этаплары белән Я. Емельянов исмендәге мәдәни үзәк белгече Илүзә Галиуллина.

Фото: Алина Кондратьева