“Туганайлар” редакциясе җитәкчесе Рәхмәт хатына ия булды

Җитәкчебез Юлия Юрьевнага бу олы бүләк “Татмедиа” акционерлык җәмгыяте оештырылуга 18 ел тулу уңаеннан бирелде. “Татмедиа” җәмгыяте генераль директоры Шамил Садыйковның имзасы куелган Рәхмәт хатында “актив һәм нәтиҗәле эшчәнлек, “Татмедиа” мәгълүмат чараларына язылучылар белән оффлайн-очрашулар уздырганы өчен” дигән юллар бар.

Редакциябездәге барлык хезмәткәрләр өчен дә зур шатлык булды бу. Җитәкчебезнең Рәхмәт хатына лаек булуы турында 1 октябрьдә “Татмедиа”ның беренче катында оештырылган тантана вакытында Шамил Мөхәммәдиевич үзе игълан итте.

Тантана “Татмедиа” акционерлык җәмгыяте оештырылуга 18 ел тулу уңаеннан оештырылды. Котлаулар, бүләкләүләр танылган җырчы, Татарстаның атказанган артисты, карендәшебез Марина Карпованың татар, керәшен һәм рус җырларын башкаруы белән аралашып барды.