Мәләкәстә яшьләр квартирник оештырган

Тукай районының Мәләкәс авылы клубында яшьләр белән квартирник оештырганнар.

Квартирник – гадәти өй шартларында үткәрелә торган концерт. Кагыйдә буларак, анда берничә генә музыкант инструментлар белән чыгыш ясый.

“Кышкы каникуллар вакытында авылда яшьләр күп җыела. Шуннан  файдаланып, Мәләкәс клубында квартирник үткәрдек. Формаль булмаган шартларда безнең яшьләр бер-берсе белән аралашудан  ләззәтләнеп кенә калмыйча, үзләренең сәләтләрен дә күрсәттеләр. Төрле чорлардагы үзләре яраткан җырларны башкардылар”,– диде Марина Михайловна.