«Кряшен чибяре-2026» финалистлары өчен матурлык ул нәрсә?

18 июльдә Мамадыш районының Җөри авылында «Питрау-2025» фестивалендә Татарстан күләмендәге «Кряшен Чибяре»н һәм Мамадыш муниципаль районының «Кряшен Чибяре»н сайлаячаклар. Быел конкурсның финалында республиканың 6 төбәгеннән – Балык Бистәсе, Зәй, Кукмара, Мамадыш, Питрәч, Тукай районнарыннан – 10 кыз катнашачак.

Алиса Сабаева: Матурлык ул –  эчкерсезлек.

Полина Григорьева: Матурлык ул – тышкы кыяфәт кенә түгел, күңел яктылыгы. Ул әбиләр чиккә бистәрләрдәге бизәкләр, күңел чисталыгы, тыйнаклык. Чын матурлык рухи байлыкта чагыла.

Аделина Архипова: Матурлык ул – Кешенең төс-битендә генә түгел, ә эчке дөньясында да чагыла торган сыйфат. Ул — яхшылык, ихласлык һәм башкаларны илһамландыру сәләтедер. 

Ирина Тимофеева: Матурлык ул – халкының ыру аша тапшырылган хәтере, киң күңеллелеге һәм яшәүне яратуы.

София Самойлова: Матурлык – күңел көзгесе. Чын матурлык тышта түгел, ә күңелдә: изгелектә, мәрхәмәтлелектә һәм кешелелектә.

Анастасия Шумитова: Матурлык – үз халкыңны ярату, аның тарихын белү һәм бу байлыкны башкаларга да күрсәтү.

Дарья Дементьева: Матурлык –  тышкы матурлык кына түгел, ә эчке гармония, ихласлылык, әйләнә-тирәдә һәм кешеләрдә гүзәллекне күрә белү. Эш-гамәлләребез матур, игелекле булырга тиеш.

Ангелина Мухина: Матурлык – кешенең күңелендә, аның яхшылыгында, шәфкатьлелегендә, игелекле эшләрендә, кешеләргә ярдәм итүендә, сабыр була белүендә.

Ангелина Солганова: Матурлык ул – күңел яктысы.

Альбина Михайлова: Матурлык – чисталык, пөхтәлек тышкы матурлык булса, эчке матурлык — үз-үзеңә ышаныч, эчкерсез елмаю, уйларың изгелектә булу.

Безнең социаль челтәрләрне күзәтеп барыгыз, тиздән финалистларның һәркайсы белән сезне якыннанрак таныштыра башларбыз.

Фото: Эльмира Шрыкова