Иске Тәрбиттә балалар көзге табигатьтә сәяхәттә булганнар

Мәдәният йорты хезмәткәрләре – китапханәче Лариса Васильева һәм клуб җитәкчесе Любовь Тимофеева балаларны туган якларының матурлыгын күрергә чакырдылар. Алар бергәләшеп, авыл тирәсендәге сулыклар буйлап кызыклы экскурсиягә чыктылар.

Бөя янында булган сәяхәт вакытында балалар табигатьнең көзен нинди үзгәрешләр кичерүен күзәттеләр. Любовь Тимофеева сүзләренчә, экскурсиянең төп максаты – балаларга табигатьне яратырга, аны сакларга өйрәтү.

«Без балаларга сулыклар янында үз-үзеңне тоту кагыйдәләре турында да сөйләдек. Экскурсиядә күргәннәре турында алар озак вакыт бер-берсе белән тәэсирләрен уртаклашырлар дип ышанабыз. Туган ягыбыз табигатенең матурлыгы һәр бала күңеленә керер дип өметләнәбез. Мондый сәяхәтләрдә, балалар табигать белән аралашудан рәхәтлек алалар, авылыбыз табигатен кадерләргә һәм сакларга өйрәнәләр», – диде Любовь Тимофеева.

Бу экскурсия балаларның күңелендә тирән эз калдыргандыр. Алар табигатьнең серләренә төшенгәндер, аның матурлыгына сокланганнардыр һәм аны саклауның мөһимлеген аңлаганнардыр дип ышанасы килә.

Фото: Любовь Тимофеева.