Яңа Илекледә авыл көнен бәйрәм иткәннәр

Әлеге чара Яңа Илекле авылының "Гаилә аллеясы" паркында үткәрелгән. Авылда күп милләт вәкилләре дус һәм тату яши.

Яңа илеклеләр бәйрәмгә ныклап әзерләнгәннәр. Мәдәни программа белән генә түгел, авылны төзекләндерү белән дә.

“Спорт уеннары-шул исәптән бик күп милли уеннар, ат чабышлары программаны тагын да яктырак буяулар белән тулыландырды.

Зур һәм кече ярышларда җиңүчеләрнең барысы да бик күп уңай тәэсирләр һәм хис-кичерешләр генә түгел, ә бәйрәмне оештыручылардан һәм юмарт иганәчеләрдән истәлекле бүләкләр дә алды.

Якташларыбыз бәйрәмнең инициаторы Илья Владимирович Сафроновка рәхмәтле”, – дип сөйләделәр Илекле клубы хезмәткәрләре.

Фото: Ю.Губина.