БДИ баллы 50дән азрак булган абитуриентлар өчен түләүле урыннар бетерелә
РФ Фән һәм югары белем министрлыгы әзерләгән методика нигезендә, югары уку йортларында түләүле урыннар бердәм дәүләт имтиханында уртача баллы 50дән ким булмаган абитуриентларга гына биреләчәк. Түбәнрәк нәтиҗәле абитуриентлар коммерция нигезендә кабул итмәячәк. Бу хакта РИА Новости хәбәр итә.
Яңа методика нигезендә, түләүле урыннар саны соңгы ике уку елында коммерция нигезендә белем алган студентларның уртача саны дәрәҗәсендә билгеләнәчәк. Мәгариф һәм фән министрлыгы югары уку йортларына үз тәкъдимнәрен юллаячак, ә университетлар, абитуриентларның өлгерешен һәм хезмәт базарында уку йортын тәмамлаучыларга булган ихтыяҗны исәпкә алып, төзәтмәләр кертә алачак.
Россия Президенты Владимир Путин 6 февральдә Фән һәм мәгариф советы утырышында икътисад өчен кирәкле булмаган белгечлекләргә түләүле нигездә укырга алуны чикләргә кирәк, дип ассызыклады.
Мәгариф һәм фән министрлыгы башлыгы Валерий Фальков сүзләренчә, яңа кагыйдәләр барлык югары уку йортларына, белгечлекләргә һәм әзерлек юнәлешләренә кагылачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Керәшен дөньясындагы яңалыкларны Телеграм-канал да карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев