«Бәйрәм рухы»: Яңа Мәлкән авылында Яңа елга әзерләнә

Авыл халкының күңелен күтәрү өчен, мәдәният йорты хезмәткәрләре үз эш урыннарын матурлап бизәсә, авыл халкы да үз йортларын бәйрәмчә бизи.

Яшьләр урамында исә беренчеләрдән булып Нина Апанаеваның йорты һәм чыршысы ямь-яшел утлар белән балкып, Яңа елны башлап җибәрә. Аның иҗади бизәлеше күпләр өчен илһам чыганагы булып тора.

Бу матур күренеш, һичшиксез, башка авыл халкына да йогынты ясый. Алар да үзләренчә матурлык тудыруда көчләреннән килгәнне эшли. Йорт тәрәзәләреннән балкып торган утлар, кар бөртекләре төшкән чыршылар, әлбәттә, кичләрен авылга сихри бер бизәк өсти. Балалар, бу утларны күреп, шатлыклы авазлар белән урамда йөгерә, аларның күңелләрендә Яңа ел могҗизасына ышану тагын да арта.