Ахман авылы халкы чаңгы ярышлары уздырды

Чаңгыда йөрү терәк-хәрәкәт аппаратын, сулыш, нерв һәм йөрәк-кан тамырлары системасын ныгыта, хәрәкәтләрне координацияләүне һәм чыдамлыкны үстерә. Шуган вакытта бөерләр, үпкә һәм тир бизләре көчәеп эшли, бу исә токсиннар чыгаруны җиңеләйтә. Өстәвенә, салкын һава да зур файда бирә.

11 январь көнне Бакалы районының Ахман авылында авыл мәдәният йорты, китапханә, хакимият, фельдшер-акушерлык пункты һәм мәктәп хезмәткәрләре, шулай ук укучылар чаңгы трассасына җыелды.

«Бу чара чын бәйрәмгә әверелде. Чаңгыда шуу, төрле ярышлар һәм күмердә җылытылган самовардан кайнар чәй-аннан да яхшырак нәрсә була ала? Саф һавада вакыт уздыру, энергия һәм уңай хис-кичерешләр алу өчен искиткеч ысул булды»,– дип яздылар Ахман авылы мәдәният хезмәткәрләре.