Хуҗабикәләргә киңәшләр: салат яфракларын тозлы суда юсаң әйбәтрәк

• Агачтан эшләнгән мебельне аяк киеме кремы кулланып та яңартырга мөмкин. Төсен генә туры китереп сайлау кирәк. 
• Авызы тар вазаларны ничек чистартырга белмисезме? Гап-гади дөге ярдәм итәр. Ваза эченә бер кашык дөге салыгыз һәм шуңа сабынлы су өстәгез. Аз гына бутап җибәрсәгез, вазагыз яңа алган кебек булыр. 
• Өегездә мәче асрасагыз, бу киңәш сезнең өчен. Диван өстеннән мәче йонын җыеп алу өчен, резина перчатка киегез дә, аны юешләтеп, диван өстен сыпырып алыгыз: мәченең бөтен йоны перчаткага җыелачак. 
• Салат яфракларын тозлы суда юсаң әйбәтрәк. 
• Агачтан эшләнгән мебельне аяк киеме кремы кулланып та яңартырга мөмкин. Төсен генә туры китереп сайлау кирәк. 
• Аз гына суга шикәр салып, шуның белән чайкасагыз, кулдагы май бетәр. 
• Электр белән эшли торган иске теш юу щеткасын ташламагыз — кафель плиткалар арасын юарга бик җайлы ул. 
• Линолеумга элеккеге матурлыгын кайтару өчен теш пастасы белән ялтыратырга кирәк. 
• Кухнядагы агач һәм пластик такталардагы тапларны лимон ярдәмендә бетерергә була. Моның өчен лимонны урталай бүлеп, суын такта өстенә агызырга һәм 20 минут тотарга кирәк. Аннан инде, әлбәттә, чайкап куярга. 
• Бакырдан эшләнгән әйберләрне чистарту өчен, уксус, тоз һәм онны бер күләмдә алыгыз һәм, йомшак чүпрәк ярдәмендә, шушы әзер «ботка» белән бакыр савыт-сабагызның өстен чистартыгыз. Су белән чайкагач, корытып сөртегез. 
• Лимон согы отбеливательне алыштыра ала. Кер юганда суга ярты чынаяк лимон согы кушарга кирәк. 
• Банкага сеңгән ис бетмиме? Җылы суга бер чәй кашыгы горчица кушып юыгыз. 

«Сөембикә» журналы

Фото: нейросеть