«Лайфхак»лар

• Чөгендерне пешерер алдыннан яхшылап юарга, тамырын төптән кисмәскә кирәк. Юкса аның согы ага, яшелчәнең тәме үзгәрә. Төсен сакласын өчен, суына 1 аш кашыгы аш серкәсе өстәргә була.
• Беркайчан суыткычтан алынган салкын итне кыздырмагыз. Ул 1-2 сәгать бүлмә температурасында торып җылынырга тиеш. Шул чакта гына ит матур элпә ясап кыза.
• Җир астында үскән яшелчәләрне — салкын, җир өстендә үскәнен кайнар-суга салып пешерәләр.
• Банан, кивины суыткычка куймагыз. Алар бүлмә температурасында торырга тиеш.
• Камырына аз гына кайнар су өстәгәндә, коймак челтәрләнеп пешә.
• Он, ярмалар кортламасын өчен, арасына чистартылмаган берничә тырнак сарымсак салыгыз.

Фото: «Туганайлар»