Киңәшләр: томат пастасына үсемлек мае агызып куйсаң, суыткычта күгәрми

• Киемнәр сузылмасын, төймәләре өзелмәсен дисәгез, кер юу машинасына төймәләп салыгыз.
• Карт тавыкны тизрәк пешерү өчен, 20 минут кайнатканнан соң, 5 минутка салкын суга тыгып алырга кирәк. Аннан шулпага салып пешереп бетерергә.
• Кәтлитне беренче минутларда көчле утта кыздырырга кирәк. Кызган элпә итнең согын эчтә калдыра, агып чыкмый, шуңа кәтлит сусыл була.
• Пылау өчен угычтан уылганга караганда озынча саламлап туралган кишер тәмлерәк.
• Фаршка бераз гына майонез кушсаң, кәтлит тәмлерәк булып пешә.
• Фасоль яки борчак тизрәк пешсен өчен суына 10 минут саен 1 аш кашыгы салкын су салырга кирәк.
• Томат пастасына үсемлек мае агызып куйсаң, суыткычта күгәрми.
• Каткан сырны 1 сәгатькә сөткә салып яңартырга була.
• Чәй хуш исле булсын өчен, саклаган савытына лимон яки әфлисун кабыгы салалар.

Файдалы киңәшләр