«Каен» салаты (рецепт)

Салат өчен кирәк: тавыкның ак ите (250 грамм), шампиньон (200 грамм), кара җимеш (160 грамм), тавык күкәе (3 данә), кыяр (1 данә), башлы суган (1 данә), маслина (2 данә), майонез (160 грамм), яшел суган (20 грамм), үсемлек мае (1 аш калагы).

Майлы табага туралган суганны салып, 4-5 минут кыздырабыз, өстенә вак итеп туралган гөмбә алып, болгата-болгата, 8-10 минут пешерәбез. Пешкән тавык итен турыйбыз. Күкәйләрне әрчибез, агын — шакмаклап турыйбыз, сарысын вак тишекле кыргычта уабыз. Кара җимешне токмач сыман итеп турыйбыз. Кыярны кыргыч аша чыгарабыз. 

Озынча салат савытына кара җимеш салып, өстенә майонез ягабыз. Икенче катламга — тавык ите, аннан соң — суганлы гөмбә, өченче катламга — күкәй агы, аннан — кыяр. Һәр катлам арасына майонез сылыйбыз. Салат өстенә күкәй сарысы сибәбез. Иң өскә майонездан каен агачы рәсеме ясыйбыз, яшел суганны турап, яфрак шикелле итеп салатка салабыз. "Каен"ны озынчалай туралган маслина белән бизибез.