Кабак бөккәне (рецепт)

Камыр өчен кирәк булачак: 1 кг онга: 400-450 грамм су яки сөт, 30-40 грамм чүпрә, 2-3 күкәй, тәменчә тоз, 50 грамм шикәр комы, 15 грамм сыер мае.

Эчлек өчен: 35 грамм дөге , 20-25 грамм пешмәгән тары ярмасы, тәменчә шикәр комы, тәменчә тоз.

Кабакның кабыгын чистарталар, эчен алалар һәм вак итеп, шакмаклап турыйбыз.

Туралган кабакка тоз сибеп һәм кул белән уарга кирәк. 20-30 минут суын саркытырга онытмагыз.  Дөгене суга салып бүрттерергә.

Кабак, тары ярмасы, дөгене бергә кушып бераз шикәр комы, эретелгән май сибеп, бөтенесен бергә кушалар. Бөккәнгә тары ярмасын салмасаң да була. Салмаган очракта дөгене бераз күбрәк салырга мөмкин. 

Әзер камырдан бөккән өчен артык зур булмаган кисәкләр алалар һәм бик юка итмичә җәяләр. Әзер җәймәләргә эчлек салып бәләкәй бөккәннәр ясыйбыз.

180 градуслы газ мичендә 30 минут пешерәләр.

Тәмле рецептлар

Фото: нейросеть