«Дамские пальчики» торты (рецепт)

Камыр өчен кирәк: су ~ 1,5 стакан, ак май 150 грамм, он 1,5 стакан, күкәй 6 штук, тәменчә тоз.

Крем өчен: каймак (сметана) 2 стакан, шикәр комы 1 стакан

Кәстрүлгә су, ак май, тоз салып газ өстенә утыртабыз. Кайнап чыккач, он салып тиз-тиз болгатабыз. Камырны мискә кырыйларына сылап (тизрәк суынсын өчен) суытырга куябыз, өстенә күкәй сытабыз, бертөрле масса килеп чыкканчы болгатабыз.

Әзер камырны кондитерский мешокка салабыз да (ул булмаса юеш аш калагы белән), формага җәяйгән пергамент кзгазьгә камырны озынча бармак рәвешендә, яки түгәрәк чәчәк формасына китереп салып чыгабыз

Духовкага 20-25 минутка куябыз. Ул арада керм ясыйбыз. Барлык ингридиентларны кушып, яхшылап болгатабыз.

Пешкән камырны кремга манып, кырмыска оясы кебек өябез. Төнгә холодильникка куябыз. Иртән өстен кырылган шоколад белән бизибез.

Фото: Нейросеть