Борщка «заготовка»

Кирәк булачак: 3 килограмм аш чөгендере, 1 килограмм кишер, 1 килограмм башлы суган, 1 килограмм баллы борыч, 1 килограмм помидор,
1 стакан шикәр комы, 3 аш калагы тоз, 1 стакан үсемлек мае, 125 мл (ярты стакан чамасы) 9% лы уксус.

Иң элек яшелчәләрне юып чистартасың, кәстрүлгә катлам-катлам итеп сала барасың. Суганны ярымбоҗра итеп турыйсың, чөгендерне һәм кишерне эре кыргычтан чыгарасың. Борыч — нечкә тасма кебек, помидор ярымтүгәрәк итеп турала. Иң соңыннан тоз, шикәр комы һәм май салып, болгатасың да, сүрән утка куясың. Бераздан яшелчәләрнең согы чыга башлый. Шуннан соң, газны ныграк ачып, 25-30 минут кайнатасың. Аннары уксус өстәп, кайнар килеш стерильләштерелгән банкаларга тутырып капкачлыйсың.

Авыл хатыны