Татарстанда торак йортлар төзү буенча еллык планның 96 проценты үтәлгән. Татарстан хөкүмәт йортында уздырылган киңәшмә барышында республиканың төзелеш, архитектура һәм торак-коммунальхуҗалык министры Марат Айзатуллин шул хакта әйткән.
Гомуми торак мәйданының 1 миллион 175 мең квадрат метрын коммерция максатларындагы төзелеш тәшкил итә. Ягъни, бу — күп квартирлы 147 йорт, дигән сүз. Планда каралганның 82 проценты төзелеп сафка бастырылган инде.
Социаль ипотека программасы буенча 36 йорт төзелгән, гомуми мәйданы — 145 мең квадрат метр. Еллык план 91 процентка үтәлгән.
Шәхси торак төзелешенә килгәндә, еллык планны инде үтәгәннәр. Әзер йортларның гомуми мәйданы —1 миллион 668 мең квадрат метр.
Нет комментариев