Нина Кузьмина: «Кеше җанына да ял кирәк»

Зәй районының Югары Баграж авылындагы "Шигъри мизгелләр" һәвәскәрләр берләшмәсендә торучы Нина Кузьминаның шигыре. 

Кояш батып кичне җиткергәч,
Йорт-җирләрдә эшне бетергәч,
Авылдашлар бүген очраша,
Күңел ачыек әле ичмасам.

Арганлыклар онытылып торсын,
Клуб эче җыр-моңга тулсын.
Күңел булып таралышаек,
Искә алып сөйләрлек булсын.

Очрашулар сирәгәя бара,
Мәшәкатьләр артып кына тора.
Кеше җанына да ял кирәк бит,
Ял бирмәсәк, озак түзәлмас бит.

Ел артыннан еллар үтеп тора,
Еллар белән гомер үтеп бара.
Булганына шөкер итәек,
Бергәләшеп күңел күтәрик!

Югары Баграж авылы мәдәният йорты