Ленинода мәктәп яңа уку елында укучыларны каршы алырга әзер

Яңа Чишмә районының Ленино авылындагы төп гомуми белем бирү мәктәбендә яңа уку елына әзерлек бара.

«Укытучылар һәм мәктәп эшчәннәре көче белән мәктәптә ремонт эшләре алып барыла. Идәннәр, парталар буялды, сыйныф бүлмәләре һәм коридорлар чиста итеп юылды. Азык-төлек блогына зур ремонт ясалды, җиһазлары яңартылды. Җәйге практиканы үтүче укучылар мәктәп янын җыештыруда зур ярдәм күрсәтәләр. Укучылар чәчәк түтәлләрен карыйлар, тирә яктагы чүпләрне җыялар, сукмакларны себерәләр. Шулай ук мәктәп янында үскән күпъеллык үләннәрне чалгы белән чабып, җыеп алдылар», –  диде авыл җирлеге башлыгы Светлана Питеркина.