Ләке укытучылары гуманитар ярдәм әзерләде

Махсус хәрби операциядә катнашучыларга Сарман районының Ләке төп гомуми белем бирү мәктәбе хезмәткәрләре коллективы өйдә ясалган токмач кисеп, гуманитар ярдәм җыюны оештыручыларга җибәрделәр.

Әлеге игелекле эшкә керешкән Ләке укытучылары белән дә сөйләштек:

“19 сентябрьдә үләннәрдән чәй әзерләп җибәргән идек. Токмачны егетләр өйдәгечә аш пешерсеннәр, туган ягыбызның җылысын тойсыннар дип кистек. Аларны көтәбез, сагынабыз һәм махсус операциянең тизрәк тәмамлануына, егетләрнең өйгә исән-сау кайтуларына өметләнәбез, ышанабыз. Бездән кечкенә генә ярдәм булсын һәм солдатларның йөрәкләрен җылытсын”, – диде укытучы Валентина Такарликова.