Кул сугышы буенча төбәкара ачык турнирда Казан шәһәреннән Ярослав Юзеев җиңү яулады

Анда, Удмуртия белән беррәттән, безнең Татарстаннан һәм Пермь краеннан да яшь спортчылар катнашты.

Казан шәһәреннән Ярослав Юзеев, авырлык үлчәве 42 килограмм һәм аннан авыррак булган 8-9 яшьлек малайлар арасында 2нче урынны алды. Ярославка «Удмуртиянең кул көрәше федерациясе» председателе Дмитрий Шмелев кул куйган Диплом һәм истәлекле медаль тапшырылды. 

Башлангыч класста укучы Ярослав Юзеев, бертуган абыйсы Яков шикелле үк, спорт белән ныклап шөгыльләнә. Ярослав әле узган ел грек-рим көрәше буенча республика ачык турнирында да 40 килограммга кадәрге авырлык үлчәвендә 2нче урынны алган иде.

Ярославның спорттагы яңа уңышы турында безнең «Туганайлар» газетасына бабасы, отставкадагы капитан Яков Иванович хәбәр итте. Сүз уңаеннан, Яков Юзеев — заманында үзенең туган авылы Владимирдагы (Мамадыш районы) Питрау бәйрәмнәрендә мәйдан тоткан көрәшче. Оныклары Яков белән Ярославның спорт сепкцияләренә йөрүләрендә һәм спортта уңыш арты уңыш яулауларында бабайлары Яков Иваеновичның да хезмәте зур.